မြန်မာပြည်သူလူထုအပေါင်းသို့

မြန်မာပြည်သူလူထုအပေါင်းနဲ့ စာဖတ်ပရိတ်သတ်များခင်ဗျား. မြန်မာနိုင်ငံ၏ လူမှုရေးနှင့်စီးပွါးရေး ဖွံ့ဖြိုးတိုးတက်မှုတွေဟာ မြန်မာ့နိုင်ငံ၏ နိုင်ငံရေးနှင့်အုပ်ချုပ်မှုစနစ်အပေါ်မှာ လုံးဝဆက်စပ်မှီရှိနေတယ်ဆိုတာ မြန်မာ့သမိုင်းကြောင်းကိုပြန်လည်လေ့လာကြည့်လျှင် သဘောပေါက်နိုင်ပါတယ်ခင်ဗျား.။ သို့ပါသောကြောင့် ယ္ခု ကျနော်အနေနဲ့ မြန်မာနိုင်ငံ၏ အတိတ် ပစ္စုပ္ပန်နဲ့ အနာဂတ် ဟု ခွဲခြားဝေဖန်တင်ပြချင်ပါတယ်.။ အတိတ်ဆိုသည်မှာ ပဒေသရာဇ် ၊ ကုန်းဘောင်ခေတ်မှ မဟုတ်ပါပဲ မြန်မာနိုင်ငံ လွတ်လပ်ရေးရရှိပြီး နောက် 1962 ခုနှစ် စစ်အာဏာသိမ်းပြီးနောက် မဆလ တစ်ပါတီ စနစ်မှ စကြပါစို့.။ မဆလ တစ်ပါတီစနစ်ကို ဦးဆောင်ခဲ့သော ဦးနေ၀င်းဟာမိမိသြဇာအာဏာကြီးမားပြီး အိမ်နီးခြင်းနိုင်ငံများအထိ လွမ်းမိုးချယ်လှယ်နိုင်ရန်ရည်ရွယ်ချက်တွေဖြင့် အစဉ်တစိုက်လုံးပမ်းခဲ့သည်ကို သမိုင်းအထောက်အထားများအရသိရှိရပါသည်.။ မှားယွင်းသောရည်ရွယ်ချက်တွေဖြင့် နိုင်ငံခြားသားပိုင်လုပ်ငန်းများကို ပြည်သူပိုင်ဖျက်သိမ်းဆောင်ရွက်စေခြင်းဖြင့် စီးပွါးရေးဟာ တဖြည်းဖြည်းကျဆင်းလာခဲ့ရခြင်း၊ နိုင်ငံခြားရေးဝါဒကိုမုန်းတီး၍ တံခါးပိတ်ဝါဒကိုကျင့်သုံးခဲ့သဖြင့် လူမှုရေးနှင့် ပညာရေးတွေဟာ နောက်ကျကျန်ခဲ့ရခြင်း စစ်တပ်ကိုသာအဓိကထား အင်အားဖြည့်တင်း၍ မိမိအာဏာခိုင်ခံ့တည်မြဲအောင်ပြုလုပ်ကာ မိမိအား ကန့်ကွက်ဝေဖန်ရှင်းလင်းပြောဆိုသူများကို သတ်ဖြတ်နှိပ်ကွက် အမျိုးမျိုးရှင်းလင်းထုတ်ပစ်ကာ မိမိအားထောက်ခံသူများကိုသာ နေရာပေး စုစည်းလာခဲ့ခြင်းတို့ကြောင့် မြန်မာနိုင်ငံ၏ အနာဂတ်အရေးသည် လမ်းမှားထဲမှာရွေ့လျှားလာခဲ့ရသည်။ ဤကာလအတွင်း ရဲရင့်သောပညာတတ် ကျောင်းသားများနှင့်နိုင်ငံရေးသမားများ များစွာသတ်ဖြတ်ခြေမှုန်းခြင်းခံခဲ့ရသည့် အဖြစ်အပျက်များသည် မြန်မာနိုင်ငံ၏ ကောင်းသော အနာဂတ်လမ်းမှ လွဲစေသောအဓိကအချက်များလဲဖြစ်သည်။ ထို့အပြင် နိုင်ငံရေးသမားများအား နိုင်ငံ၏အုပ်ချုပ်ရေးလုပ်ငန်းကို မလုပ်ကိုင်စေပဲ စစ်တပ်က မသိနားမလည်စွာဖြင့် ၀င်ရောက်စွပ်ဖက်ချယ်လှယ်ခဲ့သောကြောင့် ဤသို့ဖြစ်ရခြင်းဖြစ်၏။ ဤသို့ဖြင့် 1988 ခုနှစ်တွင် ကျောင်းသားပြည်သူများ အသက်ပေါင်းမြောက်များစွာပေးဆပ်၍ ခေတ်တစ်ခုပြောင်းလဲရန်ကြိုးစားခဲ့ကြသော်လည်း မသမာသူ စစ်အုပ်စုတစု၏ အာဏာမက်မောမှုတွေကြောင့် မြန်မာနိုင်ငံနှင့် မြန်မာလူမျိုးတို့၏ကံကြမ္မာအခြေအနေသည် ပိုမိုဆိုးရွားလာခဲ့ရသည်မှာ လက်ရှိမြင်တွေ့နေရသည့်ပစ္စုပ္ပန်အခြေအနေပင်ဖြစ်သည်။ အာဏာမက်မောရှုးသွတ်သူ ဗိုလ်ချုပ်သန်းရွှေ သည် ခေတ်ကာလ အခြေအနေကို အခွင့်ကောင်းယူအသုံးချ၍ မိမိ၏ဆရာသမားနှင့် လုပ်ဖေါ်ကိုင်ဖက်များကိုပါ တက်နင်းစတေးပြီး အာဏာ ရာဇာပလ္လင်ကို ဘုရင်အမှတ်ဖြင့်ထင်ယူအုပ်ချုပ်ပြန်လေ၏။ ဗိုလ်ချုပ်သန်းရွှေ သည် ထုံထိုင်းအနသော ပုံအသွင်ဆောင်သော်လည်း သူ၏ အကြံအစီများသည် အလွန်တရာမှ ရက်စက်ကြောက်မက်ဖွယ်ကောင်းလှသည်ကို ယ္ခုလက်ရှိပြည်တွင်းပြည်ပနိုင်ငံရေးအဖွဲ့အစည်းများ မည်သူမျှ သတိပြုမိဟန်မရှိခြေ။ ဗိုလ်ချုပ်သန်းရွှေသည် ယ္ခင်သူ၏ အကြံအစည်များအတိုင်း ခေါင်းဆောင်ရာထူးကို ရရှိရန် တစိုက်မတ်မတ်ကြိုးပမ်းခဲ့ရမှ 1992 ခုနှစ်တွင် သူ၏ ကောက်ကျစ်သောအကြံအစည်များဖြင့် ဗိုလ်ချုပ်စောမောင်ကို ဖြုတ်ချ နေရာရယူခဲ့ရာမှစ၍ သူအားထောက်ခံသူများကို စုစည်းလာခဲ့သည်။ သူ့အတွက် အန္တရာယ်ဟူု ယူဆသူအားလုံးကို ဖယ်ထုတ်၍ နိုင်ငံတကာမှ စစ်အစိုး၏လူ့အခွင့်အရေးများချိုးဖေါက်မှု၊ ဥပဒေမဲ့တရားရေးစီရင်မှုများဖြင့် နိုင်ငံရေးသမားများအား ညှင်းပန်းနှိပ်စက်ထောင်ချနေခြင်းများကို ရပ်တန့်စေရန်အပြင် မြန်မာပြည်သူများအားလုံးကတောင်းဆိုနေသော ဒီမိုကရေစီအုပ်ချုပ်ရေး ပေါ်ပေါက်လာစေရန် စသောစသော အချက်များအတွက် ဖိအားပေးတောင်းဆိုနေမှုများကို အတင်းအလျှော့ပေးလုပ်ဆောင်ရင်း တဖက်မှ နိုင်ငံရေးပါတီများ၏ ခေါင်းဆောင်များနှင့် အဖွဲ့ဝင်များ၊ ကျောင်းသားခေါင်းဆောင်များ နိုင်ငံရေးလှုပ်ရှားသူများကို ဖမ်းဆီးခြင်း လွှတ်ပေးခြင်းများဖြင့် ကစားလျှက် အချိန်ယူကာ သူ၏အုပ်ချုပ်မှု ယန္တရားချောချောမောမော လည်ပတ်နိုင်ရန်အတွက် သူရဲ့သြဇာခံ စစ်အရာရှိများကို အရပ်ဖက်အသွင်ပြောင်းစေကာ အုပ်ချုပ်ရေးဌာနအသီးသီး၌ တဖြည်းဖြည်းဝင်ရောက်နေရာချယူ ခိုင်းစေလာနေသောအချက်များကို မေ့လျော့နေကြပေသည်။ ဤကဲသို့ သတိမပြုမိစေရန်အတွက်လည်း လူအများအာရုံစိုက်စေသော ပြဿနာအမျိုးမျိုးဖြင့် မရိုးရအောင် အမြဲအာရုံလမ်းကြောင်းလွှဲလျှက်ရှိသည်ကို ပြည်တွင်းပြည်ပနိုင်ငံရေးအဖွဲ့အစည်းများမှပုဂ္ဂိုလ်များသတိမှုကြစေလိုသည်။ ဗိုလ်ချုပ်သန်းရွှေ၏ ရက်စက်ယုတ်မာသော အကြံအစည်များ မကြာမှီ လူအများသိမြင်လာကြပါလိမ့်မည်။ ဗိုလ်ချုပ်သန်းရွှေသည် သူ၏ မတရားရယူထားသော အာဏာ တည်တံ့ရေး၊ သူအမိန့်ပေးလုပ်ဆောင်ခဲ့သော ဥပမာ-အပြစ်မဲ့ရဟန်းရှင်လူ ပြည်သူများကို ဥပဒေမဲ့ သတ်ဖြတ်နှိပ်ကွက်ခြင်းအပြစ်များမှပပျောက်နိုင်ရေးတို့အတွက် မိမိ၏ အသွင်ပြောင်းပါတီ တရားဝင်အာဏာရရှိရေးအတွက် ကြိုးပမ်းလာသော ခြေလှမ်းများကို ပြည်သူအများမြင်ကြပါ၏လော။ ဗိုလ်ချုပ်သန်းရွှေသည် မိမိအလိုကျရေးဆွဲထားသော နိုင်ငံတော်ဖွဲ့စည်းပုံဥပဒေကိုလည်း မတရားသောနည်းလမ်းဖြင့် လူထုထောက်ခံမှုကိုလိမ်လည်ယူကာအတည်ပြုကြိုးစားနေစဉ်အတွင်း မကြာမီကပင် လူထုခေါင်းဆောင်ဒေါ်အောင်ဆန်းစုကြည်ကို ယုတ်မာစွာအကွက်ဆင်ဖမ်းဆီးမှုပြုလုပ်နေသည်။ ဤအချက်သည် နိုင်ငံတကာကို သွေးတိုးစမ်းနေခြင်းမဖြစ်နိုင်ပါ။ ရည်ရွယ်ချက်ရှိရှိ အကွက်စိတ်စိတ်ဖြင့် ယုတ်မာစွာ ကြံစည်နေသော ဗိုလ်သန်းရွှေ ၏ လာမည့်2010 ခုနှစ်တွင်ပြုလုပ်မည်ဆိုသော ရွေးကောက်ပွဲတွင် ဒေါ်အောင်ဆန်းစုကြည် ၀င်ရောက်ယှဉ်ပြိုင်နိုင်မှုမရှိစေရန်အတွက် ရွှေ့သော ကျားတကွက်ပင်ဖြစ်သည်ဟု ကျနော်မြင်ပါသည်။ ဒေါ်အောင်ဆန်းစုကြည် ဦးဆောင်မှုဖြင့် NLD ပါတီ ရွေးကောက်ပွဲတွင်ဝင်ရောက်မပါဝင်နိုင်ခဲ့လျှင် ဗိုလ်ချုပ်သန်းရွှေ၏ အသွင်ပြောင်းအဖွဲ့ဖြစ်သော ကြံဖွံ့အုပ်စုသည် ပါတီဖွဲ့၍ ရွေးကောက်ပွဲဝင်ရောက်ကာ မတရားသောနည်းလမ်းများဖြင့်ပင် နိုင်ငံတော်အာဏာကို တရားဝင်အဖြစ်အနိုင်ယူကာအုပ်ချုပ်ဖို့အတွက်ပင်ဖြစ်ပေသည်။ လက်နက်ကိုင် အဖွဲ့အစည်းများမှအစ နိုင်ငံရေးအတိုက်အခံအဖွဲ့များကိုပါ တစတစချေမှုန်းသွားမည်ကို မကြာခင် ထင်ထင်ရှားရှားတွေ့မြင်နိုင်မှာဖြစ်သည်ဟု ကျနော်ယုံကြည်သည်။ သို့သော် ထိုအချိန်၌ ကျနော်တို့ပြည်သူများနှင့် လက်ရှိပြည်တွင်းပြည်ပရှိ နိုင်ငံရေးအဖွဲ့အစည်းများအနေဖြင့် အလွန်တရာပင် အချိန်နှောင်းနေမည်ဖြစ်ပါ၍ ယ္ခုအချိန်မှစ၍ဤ္မအဖြစ်ဆိုးများမှကာကွယ်ရန် ကြိုတင်ပြင်ဆင်ဖို့ကျနော်နှိုးဆော်ပါသည်။ ဗိုလ်ချုပ်သန်းရွှေသည် အတိုက်အခံပါတီများကို ဖျက်သိမ်း၍ မြန်မာပြည်သူအားလုံးအား သူ၏ တသွေးတသံအမိန့်ကို နာခံစေပြီး နျူးကလီးယားလက်နက်များဖြင့် ကမ္ဘာကိုခြိမ်းခြောက်နိုင်မည်ဟုထင်နေသော ဘုရင်အဖြစ်ဖြင့်စိတ်ကူးယဉ်ရှုးသွတ်နေခြင်းကြောင့် ကျနော်တို့မြန်မာနိုင်ငံသည် အီရတ်နိုင်ငံအလား စစ်မြေပြင်အသွင်ဆောင်သွားမည်ဖြစ်ပါသောကြောင့် ယ္ခုအချိန်မှစ၍ ပိုမိုပြီးလက်တွဲညီညီဖြင့် စစ်အာဏာရှင် စနစ်ဆိုးကို အချိန်မှီတိုက်ထုတ်ခြေမှုန်းနိုင်ရန်အတွက် ကြိုးစားကြပါရန်ကျနော်အနေဖြင့်ဖိတ်ခေါ်ပါသည်။ စစ်အာဏာရှင်စနစ်တည်ရှိနေသရွေ့ ကျနော်တို့မြန်မာပြည်သူများသည် စစ်တပ်အောက်၌ပိုမိုဖိနှိပ်ချုပ်ချယ်ခံရမည့်အပြင် နိမ့်ကျသောစီးပွါးရေးလူမှုရေးများနှင့် ဆင်းရဲနွမ်းပါးသောလူအခွင့်အရေးများဖြင့်သာ အသက်ရှင်နေထိုင်သွားရမည်မှာ မြန်မာနိုင်ငံ၏အနာဂတ်ဖြစ်ပါသောကြောင့် ဗိုလ်ချုပ်သန်းရွှေဦးဆောင်နေသော စစ်အာဏာရှင်စနစ်ကို အမြန်ဆုံးခြေမှုန်းပစ်ရန် ထပ်မံတိုက်တွန်းပါသည်။
ကျနော်တို့တတွေသည် ပြည်ပမှ မည်သည့်နိုင်ငံကိုမှ မျှော်လင့်အားကိုးနေရွေ့မဖြစ်နိုင်ပါ။ ပြည်ပနိုင်ငံများသည် သူတို့နိုင်ငံ၏ အစိုးရပေါ်လစီများပေါ်တွင်အခြေခံကာ မိမိနိုင်ငံအကျိုးကိုသာရှေ့ရှု၍ နအဖစစ်အစိုးရနှင့် တိုက်ရိုက်သော်၎င်း သွယ်ဝှက်၍သော်၎င်း ဆက်ဆံသွားကြမည်ဖြစ်ပြီး ကျနော်တို့မြန်မာပြည်သူများအတွက် မျက်နှာပန်းလှရုံမျှသာ ထောက်ပံ့ကူညီပေးသွားကြမည်ဖြစ်ပါ၍ ယ္ခုအချိန်မှစကာ ကိုယ့်အားကိုယ်ကိုးပြီး ငြိမ်းချမ်းစွာ တော်လှန်ကြရမည်ဖြစ်ပါသည်။ စစ်ဘီလူး ဗိုလ်ချုပ်သန်းရွှေအုပ်စုကို ဆန့်ကျင်တော်လှန်ရာမှာ အသက်ပေါင်းများစွာသာ စတေးရမည်ဖြစ်သောကြောင့် ယ္ခင် ကျနော်ဖြန့်ဝေခဲ့ဖူးသည့် မြေအောက်တော်လှန်ရေး နည်းလမ်းများအတိုင်း စစ်အစိုးရ၏ အုပ်ချုပ်ရေးယန္တရားကြီးကို ရပ်တန့်ပြိုကွဲစေသောနည်းလမ်းများဖြင့် ဆန့်ကျင်တော်လှန်သွားကြပါစို့-လို့ တိုက်တွန်းနှိုးဆော်ရင်း ကျနော်တို့ဖြင့် လက်တွဲရန် မြန်မာပြည်သူလူထုကြီးကိုလည်း ဖိတ်ခေါ်ပါသည်။

ဂဠုန်မင်း