ရွေးကောက်ပွဲ ပြီးရင် တိုင်းနဲ့ ပြည်နယ် တွေမှာ ဗိုလ်ချုပ် လူထွက်တွေ ကို ဝန်ကြီးချုပ် တွေ ခန့်ဖို့ ရွေးကောက်ပွဲ မစခင် အခု ကတည်းက လျာထား သတ်မှတ်ပြီး ဖြစ်တယ် လို့ သိရ ပါတယ်။
ရွေးကောက်ပွဲ ပြီးတဲ့အခါ မွန်ပြည်နယ် ရဲ့ ဝန်ကြီးချုပ် လုပ်မယ် ဆိုတဲ့ ကာကွယ်ရေး ဌာန ဒုဝန်ကြီး ဦးအေးမြင့် က မော်လမြိုင်မြို့ ပြည်နယ် ကြံ့ခိုင်ဖွံ့ဖြိုးရေးရုံးမှာ ပြုလုပ်တဲ့ ဟောပြောပွဲ အခမ်းအနား တစ်ခုမှာ ပြည်နယ် နဲ့ တိုင်း ဝန်ကြီးချုပ် လုပ်မယ့်သူတွေရဲ့ အမည်တွေကို အတိအလင်း ထုတ်ဖေါ် ပြောဆို ခဲ့တယ် လို့ သိရပါတယ်။
အဲဒီ ဟောပြောပွဲ မှာ ကရင်ပြည်နယ် ဝန်ကြီးချုပ် ဖြစ်မယ့်သူက ဗိုလ်ချုပ်ဟောင်း ဦးမောင်စိန်၊ ဆိတ်ကြီးခနောင်တိုက ပြိုင်မယ့် ဗိုလ်ချုပ်ကြီးဟောင်း မြင့်ဆွေက ရန်ကုန်တိုင်း ဝန်ကြီးချုပ်၊ မန္တလေးတိုင်း ဝန်ကြီးချုပ်အဖြစ် တိုင်းမှူးဟောင်း ဗိုလ်ချုပ်ရဲမြင့်၊ တိုင်းမှူးဟောင်း ဗိုလ်ချုပ် သာအေးက စစ်ကိုင်းတိုင်း ဝန်ကြီးချုပ်၊ တစလ မှူး ဗိုလ်ချုပ် ခင်ဇော် က တနင်္သာရီတိုင်း ဝန်ကြီးချုပ် အဖြစ် လျာထားပြီး ဖြစ်တယ် လို့ ဦးအေးမြင့် က အတိအကျ ထုတ်ဖေါ် ပြောဆို သွားတဲ့ အကြောင်း ဟောပြောပွဲ တက်ရောက် နားထောင်ခဲ့သူ တစ်ဦး က ဘီဘီစီ ကို ပြော ပါတယ်။
အခုလို ရွေးကောက်ပွဲမှ မစရသေး ပြည်နယ် နဲ့ တိုင်း ဝန်ကြီးချုပ် လုပ်မယ့်သူတွေ ကို ကြိုတင် လျာထား သတ်မှတ် ထားပြီး ဖြစ်တယ် ဆိုတဲ့ ဦးအေးမြင့် ရဲ့ စကားကြောင့် ကြားရသူ အားလုံးက ဒီမိုကရေစီ နည်းကျ ရွေးကောက်ပွဲမှ ဟုတ်ရဲ့လား ဆိုပြီး သံသယ ဖြစ်နေကြ ရတယ် လို့လည်း ဟောပြောပွဲ တက်ရောက် နားထောင်သူ ကပဲ ဘီဘီစီ ကို ပြောပြ သွားပါတယ်။
Posts
No comments:
Post a Comment